MESSI APIGA HAT-TRICK YA 24 LA LIGA BARCELONA IKIUA 6-1.

MSHAMBULIAJI nyota wa Barcelona Lionel Messi amefunga hat-trick yake ya 24 katika La Liga wakati Barcelona wakichupa mpaka kileleni mwa msimamo wa ligi. Barcelona walitumia pengo la mahasimu wao Real Madrid kufungwa na Athletic Bilbao jana kwa kuigaragza Rayo Vallecano kwa mabao 6-1 katika mchezo uliomalizika jioni hii. Mbali na Messi kufunga mabao matatu nyota wengine waliofumania nyavu katika mchezo ni pamoja na Luis Suarez aliyefunga mawili na Gerrard Pique aliyefunga moja. Messi sasa amefikisha mabao 30 aliyofunga katika ligi akimfikia mshambuliaji wa Madrid Cristiano Ronaldo ambaye pia amezidiwa hat-trick moja na Messi. Barcelona sasa wanaongoza La Liga kwa tofauti ya alama moja dhidi ya mahasimu wao Madrid huku timu hizo zikitarajiwa kupambana katika Uwanja wa Camp Nou Machi 22 mwaka huu.