Tuesday, November 4, 2014

GUTIERREZ ARUHUSIWA KUTOKA HOSPITALI.

WINGA wa klabu ya Newcastle United Jonas Gutierrez ameruhusiwa kutoka hospitali baada ya matibabu ya saratani ya korodani. Nyota huyo mwenye umri wa miaka 31 alifanyiwa upasuaji kuondoa uvimbe ulioota katika korodani zake Septemba mwaka huu na baadae kuendelea na matibabu ya mionzi. Gutierrez ambaye ni raia wa Argentina aliandika katika ukurasa wake wa mtandao wa kijamii wa twitter akithibitisha kupewa ruhusa ya kutoka hospitali na kuwashukuru watu wote waliomuunga mkono. Nayo klabu ya Newcastle ilituma ujumbe katika mitandao wa kijamii kuelezea kufurahishwa na taarifa za mchezaji wao huyo kuruhusiwa kutoka hospitali.

No comments:

Post a Comment