ADEBAYOR AITWA TENA TOGO.

Emmanuel Adebayor (4)

NAHODHA wa zamani wa timu ya taifa ya Togo, Emmanuel Adebayor ameitwa tena na kocha wa timu hiyo Didier Six kwa ajili ya maandalizi ya mchezo wa kirafiki dhidi ya Senegal unaotarajiwa kupigwa Agosti 15 jijini Metz, Ufaransa. Mshambuliaji huyo anayecheza katika klabu ya Tottenham Hotspurs amekuwa akikataa kucheza katika kikosi hicho katika michezo ya ya kufuzu michuano ya Kombe la Dunia mwaka 2014 pamoja na ile ya Kombe la Mataifa ya Afrika mwaka 2013 kutokana na kile alichodai uongozi mbovu wa Shirikisho la Soka la nchi yake. Togo inatarajia kutumia mchezo huo dhidi ya Senegal kama sehemu ya maandalizi ya mzunguko mwisho wa kufuzu fainali ya michuano ya Afrika itakayofanyika nchini Afrika Kusini mapema mwakani. Ili kupata tiketi ya kucheza michuano hiyo Togo italazimika kuwafunga wapinzani wao Gabon katika michezo miwili ya nyumbani na ugenini watakayocheza Septemba na octoba mwaka huu.