BOLTON KUMPA KIBARUA MUAMBA.

KLABU ya Bolton Wanderers inatarajia kuzungumza na Fabrice Muamba ili aweze kubaki katika klabu hiyo yenye maskani yake katika Uwanja wa Reebok kwa shughuli zingine baada ya kutangaza kustaafu soka. Muamba mwenye miaka 24 ambaye alikuwa akicheza nafasi ya kiungo katika klabu hiyo alitangaza kustaafu soka jana ikiwa imepita miezi mitano toka alipoanguka na moyo wake kushindwa kufanya kazi kwa muda wa dakika 78. Mchezaji huyo anaweza kuwa mbali na mambo ya kucheza soka lakini anaweza kupewa kazi ya kuwa balozi au shughuli za ukocha katika klabu hiyo. Meneja wa Bolton, Owen Coyle amesema kuwa wamezungumza na Muamba na anajua kuwa klabu hiyo itamsaidia kwa kitu chochote ambacho atahitaji katika kipindi hiki kigumu ambacho kinamkabili. Klabu ya Bolton na Muamba mwenyewe wanatarajiwa kulipwa bima ambayo inakisiwa kuwa mamilioni ya paundi za Uingereza kutokana na sakata hilo.