MARSEILLE YAMUWINDA MTUKUTU BARTON.

KLABU ya Marseille ya Ufaransa imepiga hodi kwa timu ya Queens Park Rangers-QPR juu ya uwezekano wa kumchukua kiungo wake Joey Barton ambaye amefungiwa kwa mkopo. Bartona anaelewa suala la klabu hiyo kumhitaji na yuko tayari kuhamia katika Ligi Kuu nchini Ufaransa maarufu kama Ligue 1 haswa ikizingatiwa kuwa QPr imeshindwa kumpatia namba mpya katika jezi atayovaa msimu ujao baada ya ile namba 17 aliyokuwa akivaa msimu uliopita kupewa mchezaji mpya Ryan Nelsen aliyesajiliwa kutokea Tottenham Hotspurs. Makubaliano kuhusiana na suala la kuchukuliwa kwa mkopo mchezaji huyo bado hayajafikiwa lakini mazungumzo zaidi yamepangwa kufanyika ndani ya kipindi cha masaa 24 yajayo. Barton amepewa adhabu ya kufungiwa mechi 12 baada ya kutolewa nje kwa kadi nyekundu katika mchezo wa mwisho wa Ligi Kuu nchini Uingereza dhidi ya Manchester City kwa kumkwatua Sergio Aguero kabla ya kujaribu kumpiga Vincent Kompany kwa nyuma. Klabu yake ya QPR pia imemtoza faini ya mshahara wake wa wiki sita na kumvua unahodha wa klabu hiyo pamoja na kumuacha katika kikosi ambacho kilisafiri kuelekea Malaysia kwa ajili ya maandalizi ya msimu mpya wa ligi.