MESSI AMTUMIA FULANA ALIYOSAINI GERD MUELLER.

MSHAMBULIAJI nyota wa Barcelona, Lionel Messi amemtumia fulana yenye ujumbe kwenda kwa Gerd Mueller baada ya nyota huyo wa Argentina kufunja rekodi iliyowekwa na mjerumaji huyo kwa kufunga mabao mengi zaidi katika kipindi cha mwaka jana. Fulana iliyokuwa na jina la Messi pamoja na namba anayovaa mgongoni ilikuwa na ujumbe uliosomeka kuwa kwa Gerd Mueller, kwa heshima yangu na pongezi, nakukumbatia. Messi alimaliza mwaka jana akiwa amefunga mabao 91 kwa Barcelona na timu ya taifa ya nchi yake mabao sita zaidi ya aliyofunga Mueller akiwa na klabu ya Bayern Munich na Ujerumani mwaka 1972. Mabao hayo aliyofunga Messi mwenye umri wa miaka 25 anayejulikana kama The Flea au kiroboto yalimuwezesha kunyakuwa tuzo ya Ballon d’Or kwa mara ya nne mfululizo Jumatatu katika sherehe zilizofanyika jijini Zurich, Switzerland.