VILLAS-BOAS AKIRI KUMTUMIA NDEGE YA KUKODI ADEBAYOR ILI AWAHI MCHEZO DHIDI YA NEWCASTLE.

MENEJA wa klabu ya Tottenham Hotspurs, Andre Villas-Boas amethibitisha kuwa klabu hiyo ilimtumia ndege ya kukodi mshambuliaji wa kimataifa wa Togo Emmanuel Adebayor baada ya kuchelewa kurejea kutoka katika michuano ya Mataifa ya Afrika-Afcon. Villas-Boas alibainisha kuwa klabu hiyo ilikodi ndege ili kuhakikisha nyota huyo anarejea kwa wakati kutoka katika michuano hiyo ili aweze kuwahi mchezo wa Ligi Kuu nchini Uingereza dhidi ya Newvastle ambapo Spurs ilishinda kwa mabao 2-1 Jumamosi iliyopita. Adebayor aliingia katika mzozo na Villas-Boas baada ya kuchelewa kurejea mpaka Ijumaa iliyopita usiku tofauti na alivyotegemewa ambapo alitakiwa kujiunga katika mazoezi na wachezaji wenzake Alhamisi. Mshambuliaji Clint Dempsey ndiye aliyepangwa katika kikosi cha timu hiyo kama mshambuliaji pekee lakini katika kipindi cha Villas-Boas aliamua kumuingiza Adebayor ili kuongeza nguvu katika safu hiyo na kupelekea kuibuka na matokeo mazuri.