MZEE NEVILLE KIZIMBANI KWA UNYANYASAJI WA KIJINSIA.

BABA wa wachezaji nyota wa zamani wa kimataifa wa Uingereza, Gary na Phil Neville ameshitakiwa kwa kosa la unyanyasaji wa kijinsia. Mzee huyo aitwaye Neville Neville mwenye umri wa miaka 63, ambaye alikuwa akifanya kazi kama wakala wa watoto wake hao wawili anatarajiwa kwenda mahakamani nje kidogo ya jiji la Manchester mwezi ujao. Ndugu hao wawili Gary na Phil walikuwa sehemu ya kikosi cha ushindi cha Manchester United chini ya kocha Sir Alex Ferguson katika kipindi cha mwishoni mwa miaka 1990 na mwanzoni mwa 2000. Mwendesha mashtaka wa mahakama hiyo iliyopo kaskazini-magharibi mwa Uingereza amesema polisi wa Manchester wanafanya uchunguzi juu ya tuhuma hizo zilizofanyika Machi mwaka huu.