WILLIAMS, DJOKOVIC WAONYESHA MAKALI YAO US OPEN.

WACHEZAJI vinara katika orodha za ubora wa mchezo wa tenisi duniani kwa upande wa wanaume na wanawake, Novak Djokovic na Serena Williams wametuma salamu kwa wapinzani wao baada ya kutinga hatua ya robo fainali ya michuano ya wazi ya Marekani kwa kishindo. Djokovic raia wa Serbia ambaye alicheza kwa kiwango chake cha juu kabisa katika katika Uwanja wa Arthur Ashe alimbamiza bila ya huruma Marcel Granollers wa Hispania kwa 6-3 6-0 6-0. Kwa upande wa Williams yeye hakutaka kumpa nafasi hata kidogo mpinzania wake Carla Suarez Navarro pia wa Hispania kwa 6-0 6-0 katika Uwanja wa National Tennis Centre. Bingwa mtetezi wa michuano hiyo Andy Murray ilibidi apambane ili kusonga mbele baada ya kupoteza seti ya kwanza na kumfunga Denis Istomin kwa Uzbekistan kwa 6-7 6-1 6-4 6-4.