DRAXLER ATUHUMU UONGOZI WA SCHALKE KUMNYIMA KWENDA ARSENAL.

KIUNGO mahiri wa klabu ya Schalke, Julian Draxler ameishutumu timu yake hiyo kwa kuzuia uhamisho wake kwenda Arsenal katika dirisha dogo la usajili lililofungwa juzi. Maofisa wa Arsenal walisafiri kwenda nchini Ujerumani kwa ajili ya kujadili ofa ya nyota huyo mwenye umri wa miaka 20 lakini walishindwa kufikia dau la paundi milioni 37.2 walizotaka Schalke. Draxler amesema anajua kuna vilabu vingi vimekuwa vikimhitaji katika kipindi cha Januari na anajisikia vyema ingawa mtendaji mkuu wa klabu hiyo Horst Heldt alikataa ofa hizo bila kumshirikisha. Heldt akihojiwa kuhusiana na hilo amesema ni kweli walipata ofa nyingi kwa ajili ya nyota huyo lakini walishindwa kumuuza kwasababu ya kukosa mbadala wake.