ROBO FAINALI YA BARCELONA NA ATLETICO BADO IKO WAZI - XAVI.

KIUNGO mahiri wa klabu ya Barcelona, Xavi anaamini kuwa mchezo wa robo fainali ya Ligi ya Mabingwa Ulaya dhidi Atletico Madrid bado uko wazi baada ya timu hizo kwenda sare ya bao 1-1 katika mchezo wa mkondo wa kwanza. Katika mchezo huo Diego Costa na Neymar kila mmoja aliifungia timu yake bao na kupelekea timu hizo kutoka nguvu sawa kuelekea katika mchezo wa marudiano utakaofanyika katika Uwanja wa Vicente Calderon mwiki ijayo. Xavi amekiri Atletico ambao wananolewa na Diego Simeone wana nafasi nzuri zaidi katika mchezo wao wa marudiano ambao utachezwa kwao lakini amedai mchezo huo bado uko wazi na yoyote anaweza kupenya katika hatua inayofuata. Kiungo huyo amesema Atletico wana kikosi kikali na ilikuwa ngumu kwao kutafuta nafasi lakini wanahitaji kuwa wavumilivu na kutumia makosa machache yatakayofanywa na wapinzani wao ili waweze kupata mabao.