OXLADE-CHAMBERLAIN HATI HATI KOMBE LA DUNIA.

MENEJA wa klabu ya Arsenal, Arsene Wenger amesema kuwa siku tatu au nne zitajazo ndio zitakazobainisha kama Alex Oxlade Chamberlain atakuwa fiti kwa ajili kwenda katika michuano ya Kombe la dunia akiwa na kikosi cha Uingereza. Nyota huyo mwenye umri wa miaka 20 hajakuwepo katika kikosi cha Arsenal toka apate majeraha ya kinena wakati wa mchezo wa Ligi Kuu dhidi ya Hull City April 20 mwaka huu na kuna hatari akaukosa mchezo wa fainali ya Kombe la FA dhidi ya haohao Hull Mei 17 mwaka huu. Kikosi cha wachezaji 30 wa awali wa timu ya taifa ya Uingereza kinatarajiwa kutangazwa na kocha Roy Hodgson Jumatatu lakini Wenger ameonya kuwa haitakuwa busara kumuita kinda huyo kama hatakuwa fiti kwa asilimia 100. Wenger amesema ili kulinda kiwango cha mchezaji huyo atapaswa inapaswa kuangalia afya yake na siku tatu au nne zijazo zitakuwa muhimu kwake kuhusiana na hali yake.