RODGERS ATUPA TAULO MBIO ZA NNE BORA, LAKINI VAN GAAL AMWAMBIA BADO MAPEMA KUKATA TAMAA.

MENEJA wa klabu ya Liverpool, Brendan Rodgers amekiri kuwa nafasi ya kikosi chake kufuzu michuano ya klabu Bingwa barani Ulaya ni ndogo mno. Lakini Louis van Gaal amesema kikosi chake cha Manchester United bado hakina uhakika wa nafasi ya hiyo pamoja na kuizidi Liverpool walioko nafasi ya tano kwa alama nane. Akihojiwa mara baada ya Arsenal kuichapa Liverpool mabao 4-1, Rodgers amesema hadhani kama wanaweza kumaliza katika nafasi nne za juu pindi msimu utakapokuwa umemalizika. Hata hivyo, Van Gaal naye akizungumza mara ya United kuichapa Aston Villa mabao 3-1 aliongeza kuwa bado mbio za panya zinaendelea na yeyote anaweza kumaliza katika nafasi hizo. Matokeo ya jana yanaifanya Arsenal kukwea mpaka nafasi ya pili wakifuatiwa na United katika nafasi ya tatu ingawa Manchester City anaweza kurudi katika nafasi yake kama akishinda mchezo wake dhidi ya Crystal Palace Jumatatu ijayo.