PIRLO AKANUSHA KUTAKA KUHAMIA NEW YORK CITY FC.

KIUNGO mkongwe wa Juventus, Andrea Pirlo amekanusha kwa mara nyingine kuwa hana mpango wa kujiunga na klabu ya New York City FC ya Marekani. Mkongwe huyo mwenye umri wa miaka 36 kwasasa yuko likizo nchini humo, hivyo kuzua tetesi kuwa yuko tayari kuondoka Juventus katika kipindi hiki cha kiangazi. Pirlo pia alionekana kuthibitisha uhamisho wake kwenda New York kupitia ukurasa wake wa mtandao wa kijamii wa Instagram. Lakini mwenyewe alikanusha tetesi hizo akidai kuwa hajawahi kufungua akaunti katika mtandao wa Instagram hivyo ujumbe huo uliotumwa ulikuwa sio kutoka kwake. Pirlo alijiunga na Juventus kea uhamisho huru akitokea AC Milan katika majira ya kiangazi mwaka 2011 na kuwa shemu muhimu ya kikosi cha timu hiyo ambazo kimenyakuwa mataji manne mfululizo ya Serie A.