CRUYFF AISIFIA PENATI YA MESSI.

NGULI wa Barcelona Johan Cruyff anaamini watu wanakosea wanapokosoa Lionel Messi kutopiga penati na badala yake kumpa pasi iliyofungwa Luis Suarez. Nyota huyo wa kimataifa wa Argentina amekuwa akikosolewa na baadhi ya watu kukosa heshima kwa kutopiga penati hiyo na kumuachia Suarez kumalisha hat-trick katika ushindi wa mabao 6-1 waliopata dhidi ya Celta Vigo mwishoni mwa wiki iliyopita. Cruyff ambaye amewahi kufanya kama Messi mwaka 1982 wakati akiichezea Ajax Amsterdam amesema soka ni kwa ajili ya burudani na Messi alifanya hivyo kuwapa furaha watu wote. Nguli aliendelea aliendelea kudai kuwa alifurahishwa na jinsi Messi alivyoipiga penati hiyo na amekuwa akiwahusudu wachezaji ambao wana uwezo wa kuthubutu na kufanya vitu adimu kama hivyo.