CITY YAKAMILISHA RASMI USAJILI WA NOLITO APEWA JEZI NAMBA 9.

KLABU ya Manchester City imekamilisha usajili wa nyota wa kimataifa wa Hispania Nolito kutoka Celta Vigo kwa mkataba wa paundi milioni 14. Nyota huyo mwenye umri wa miaka 29, ambaye atakuwa akivaa jezi namba 9 iliyokuwa ikivaliwa na Alvaro Negredo, amesaini mkataba wa miaka minnena klabu hiyo na kuwa mchezaji wa tatu kusajiliwa na Pep Guardiola bada ya Ilkay Gundogan na Aaron Mooy. Nolito ambaye alikuwa akihusishwa na tetesi za kwenda Barcelona katika kipindi cha miezi 12 iliyopita, alitembelea kituo cha soka cha City juzi kabla ya kumalizia vitu vya mwisho katika mkataba wake huo. Akihojiwa Nolito amesema anajitahidi kufanya kila anachoweza na kila anchofundishwa na meneja ili aweze kuisaidia timu hiyo kupata mafanikio. City sasa wanategemea kuongeza nguvu katika kumfukuzia beki wa Everton John Stones baada ya kumkosa Aymeric Laporte aliyeongeza mkataba Athletic Bilbao.