SPURS KUMUWANIA ISCO JANUARI.

KLABU ya Tottenham Hotspurs inadaiwa kuwa tayari kuvunja rekodi yao kwa kutoa kitita paundi milioni 40 kwa ajili ya kumsajili Isco kutoka Real Madrid Januari mwakani. Nyota huyo mwenye umri wa miaka 24 amekuwa akihangaika kupata nafasi katika kikosi cha Zinedine Zidane, akianza katika mechi mbili pekee msimu huu na alikuwa akihusishwa na tetesi za kwenda Spurs kipindi cha kiangazi. Madrid wanadaiwa kuwa tayari kumuuza, huku chaguo la kumnasa kwa mkopo na nafasi ya kumnunua moja kwa moja pia vikiwepo. Isco aliyenunuliwa na Madrid akitokea Malaga miaka mitatu iliyopita tayari ameshaeleza nia yake ya kuindoka kama atakosa nafasi katika kikosi cha kwanza.