VILLAS-BOAS KUINOA TIMU YA ERIKSSON.

MENEJA wa zamani wa Chelsea na Tottenham Hotspurs, Andre Villas-Boas ametuliwa kuwa kocha mpya wa klabu ya Shanghai SIPG ya China. Villas Boas anachukua nafasi ya Sven-Goran Eroksson baada ya Msweden huyo kutimuliwa kutokana na matokeo mabovu ya timu hiyo msimu huu. Meneja huyo mwenye umri wa miaka 39 amekuwa bila kibarua toka alipoondoka Zenit St Petersburg ya Urusi mapema mwaka huu. Klabu hiyo ilithibitisha taarifa hizo kupitia mtandao wake na kuongeza wana matumaini Villas-Boas atawapeleka kule walipokusudia. Pamoja na kumnunua Hulk kwa kitita cha euro milioni 55.8 kutoka Zenit, Shanghai SIPG iliweza kushika nafasi ya tatu katika msimamo wa Ligi Kuu ya China.