KOCHA AL AHLY ATAKA KUACHIA NGAZI.

BAADA ya kupigwa na wahuni juzi kocha wa klabu ya Al Ahly Manuel Jose ameomba kuvunja mkataba wake ambapo amesema anajiandaa kuondoka nchini kwao Ureno huku akifikiria suala la kustaafu kazi hiyo. Akihojiwa kuhusiana na suala hilo kocha huyo amesema kuwa maisha ni mafupi na kwa jinsi alivyoshuhudia mashabiki wakiuwawa mbele yake anahitaji kuangalia upya suala la maisha yake. Kwasasa nchi nzima ya Misri na mashabiki wa mpira duniani kote bado wako katika mshtuko kuhusiana na tukio hilo ambalo lilichukua maisha ya watu wapatao 74. Wakihojiwa kwa nyakati tofauti Mkurugenzi wa Al Ahly Abd El Hafez amesema kuwa siku ya tukio hilo ni baya kuwahi kumtokea katika maisha yake wakati mshambuliaji nyota wa Zamalek ameonya kuwa hawezi kucheza mpira kama vitendo kama hivyo hivyo vitaendelea kufumbiwa macho. Naye mchezaji wa El Masry ambao mashabiki wao ndio wanatuhumiwa kuanzisha vurumai hizo Mahmoud Abdel Hakim akihojiwa huku machozi yakimtoka amesema anaona haya kwa tukio hilo na hatamani kumtizama mtu yoyote usoni.

AFCON 2012: TIMU KUSIMAMA DAKIKA MOJA ZA MAOMBOLEZO.

TIMU zitasimama dakika moja kutoa heshima katika michuano ya Kombe la Mataifa ya Afrika kwa mashabiki walikufa na mamia kuumia katika vurugu za mashabiki zilizotokea nchini Misri Jumatano. Rais wa Shirikisho la Soka la Afrika-CAF Issa Hayatou amesema kuwa soka la Afrika limekumbwa na janga kubwa na litakuwa katika maombolezo. Hayatou ambaye yupo nchini Guinea ya Ikweta katika jiji la Malabo kwa ajili ya mchezo wa Robo Fainali ya michuano ya Kombe la Afrika kati ya Zambia na Sudan amesema CAF imetuma salamu za rambirambi kwa Chama cha Soka nchini humo-EFA kutokana na tukio hilo. Dakika moja za maombolezo zitafanyika katika michezo ya robo fainali zitakazochezwa katika miji ya Malabo, Bata, Libreville na Franceville. Watu wapatao 74 walikufa katika tukio hilo ambapo mashabiki walivamia uwanjani wakati wa mchezo wa Ligi Kuu nchini humo kati ya Al Masry na Al Ahly katika Uwanja wa Port Said.

WAFANYAKAZI WAGOMA NCHINI BRAZIL.

WAFANYAKAZI wanaofanya kazi katika viwanja vitakavyotumia katika Kombe la Dunia 2014 nchini Brazil wamegoma wakidai kuongezwa mshahara katika mji wa Salvador uliopo Kaskazini-Mashariki mwa nchi hiyo. Katibu Mkuu wa Shirikisho la Soka la Dunia-FIFA Jerome Valcke aliusifia mji huo kwa maandalizi mazuri wiki mbili zilizopita alipofanya ziara nchini humo lakini wafanyakazi walikuwa hawana furaha kutokana na mikataba iliwekwa kati ya miji itayaoandaa michuano hiyo na kampuni zilizopewa tenda ya kujenga viwanja hivyo. Uwanja wa Arena Fonte Nova uliopo jijini Salvador pia ni moja ya viwanja vitakavyotumika kwa ajili ya michuano ya Confederations Cup michuano ambayo hufanyika mwaka mmoja kabla ya michuano ya Kombe la Dunia ambapo utahitajika uwe tayari katika muda mzuri ili uweze kutumika kwa mashindano hayo June 2013. Brasilia, Belo Horizonte na Rio de Janeiro miji yote hiyo nayo ilikubwa na tatizo kama hilo la migomo kwa wafanyakazi mapema katika maandalizi yao.

AL AHLY KUOMBOLEZA SIKU TATU.

KLABU ya Al Ahly ya Misri imetangaza siku tatu za maombolezo kufuatia vifo vya mashabiki 70 waliokufa wakati wa mchezo baina ya timu hiyo na El Masry katika Uwanja wa Port Said jijini Cairo. Baada ya El Masry kuifunga Al Ahly ambapo ni kubwa nchini humo kwa mabao 3-1 mamia ya mashabiki wa timu iliyoshinda walivamia uwanja na kuanza kuwapiga wachezaji wa timu pinzani, mashabiki na askari waliokuwa wakilinda usalama. Katika taarifa iliyotumwa katika mtandao wa klabu hiyo imesema kuwa wameamua kusimamisha shughuli zote mpaka hapo watakapomaliza siku tatu za maombolezo. Al Ahly ambayo inajukana kwa jina la utani Klabu Nyekundu ilianzishwa mwaka 1907 na kuwa klabu yenye mafanikio zaidi katika nchi hiyo na Afrika ikiwa imeshinda Kombe la Ligi Kuu ya nchi hiyo mara 35 na Ligi ya Mabingwa Afrika mara sita.

SHOCKING 73 KILLED EGYPTIAN FANS RIOT AFTER GAME !!! AL-MASRY Al-AHLY

Al-Masry vs Al-Ahly 2012 Storms the field

Botswana 1 - 2 Mali - AFCON 2012 - All Goals - Botswana vs Mali