OLISEH AMENDEA KIBARUA CHA KUINOA SUPER EAGLES.

MCHEZAJI wa zamani wa kimataifa wa Nigeria, Sunday Oliseh ameonyesha nia yake ya kuwa tayari kukinoa kikosi cha timu ya Taifa ya nchi hiyo Super Eagles.
　
Oliseh amesema katika mtandao wa SuperSport muda mfupi baada ya kutuma ujumbe katika mtandao wa kijamii wa Facebook kuwa naamini timu hiyo inahitaji mabadiliko.
　
"Nahitaji niweke hili sawa kwa Wanigeria wote kuwa nimeacha nyuma mambo yote ya mwaka 2002 wakati tulipotolewa katika Kombe la Dunia. Nigeria ni nchi yangu na naamini kwa taaluma na uzoefu nilionao nina uwezo wa kuijenga timu na kuirudisha katika ubora wake wa zamani." amesema Oliseh ikiwa ni sehemu ya ujumbe wake alioutuma katika mtandao huo.
　
"Baada ya kufikiri kwa muda mrefu na barua maelfu ya barua pepe mlizonitumia za kunihitaji kwa mashabiki nimeamua kuweka wazi nia yangu ya kuinoa Super Eagles ili iruddi katika kiwango chake." alimalizia Oliseh katika ujumbe huo.