BECKHAM AISAIDIA GALAX KUSHINDA.

KOCHA wa timu ya Los Angeles Galaxy Bruce Arena amempongeza mchezaji David Beckham baada ya kuisaidia timu hiyo kucheza fainali ya Ligi Kuu nchini Marekani, upande wa Magharibi. Beckham mwenye umri wa miaka 36 alitoa pasi murua iliyozaa bao la kwanza na kufunga bao la penati na kuisaidia timu hiyo kuifunga New York Red Bull mabao 2-1 katika mchezo wa pili wa hatua ya mtoano. Arena amesema Beckham aliisaidia kuinua timu wakati ikiwa nyuma kwa bao moja mpaka kupata ushindi huo na kuifanya timu hiyo kushinda mabao 3-1 katika michezo miwili waliyocheza ambapo hivi sasa Galaxy itakutana na Real Salt Lake katika mchezo wa fainali utakaochezwa Jumapili.
Mchezo huo utachezwa katika uwanja wa Galaxy, wao wakiwa kama mabingwa ligi hiyo upande wa Magharibi watapambana mabingwa wa ligi hiyo upande wa Mashariki. Katika msimu huu Galaxy haijafungwa katika uwanja wake wa nyumbani wakiwa wameshinda michezo 13 na kutoa sare michezo mitano.