FERGUSON ATIMIZA MIAKA 25 AKIINOA MAN UNITED.

KOCHA wa Manchester United Sir Alex Ferguson ametimiza miaka 25 toka aanze kuinoa timu hiyo.Ferguson ameelezea miaka hiyo aliyotumikia klabu hiyo kama hadithi nzuri na ya kuvutia. Mkongwe huyo mwenye umri wa miaka 70 ameitumikia klabu hiyo kwa mafanikio makubwa akiwa ameshinda mataji 12 ya Ligi Kuu ya Uingereza, kombe la FA mara tano na kombe la Ligi ya Mabingwa Ulaya mara mbili.Licha ya mafanikio hayo aliyoyapata akiwa na klau hiyo Ferguson amekuwa hapendelei kuzungumzia sifa hizo na hata anapoulizwa amekuwa akisema hahitaji kuzungumzia swala hilo.Mwaka jana katika sherehe za kutimiza miaka 69 kocha huyo alizungumzia kidogo enzi zake na mafanikio aliyopata toka aanze kuinoa klabu hiyo Novemba 6 mwaka 1986 akichukua nafasi ya Ron Atkinson.Wadau na wapenzi wa timu hiyo wamekuwa wakijiuliza ni muda koca huyo ataendelea kuinoa klabu hiyo swali ambalo amekuwa akilijibu kwa kusema kuwa ataendelea kadiri afya yake itavyomruhusu.