MKWASA KUINOA KILIMANJARO STARS.

KAMATI ya Utendaji ya Shirikisho la Soka nchini-TFF imemteua kocha Charles Boniface Mkwasa kukinoa kikosi cha Kilimanjaro Stars. Akizungumza Dar es Salaam, Katibu Mkuu wa TFF, Angetile Osiah amesema kamati hiyo imefikia maamuzi hao katika kikao chake walichokaa mwishoni mwa wiki iliyopita. Amesema kamati hiyo pia ilimteua kocha wa timu ya vijana chini ya umri miaka 23 Jamhuri Kihwelu-Julio ambaye kwasasa anakinoa kikosi cha Coastal Union kuwa kocha msaidizi. Pia kamati hiyo imemteua mchezaji wa zamani wa Simba Khalid Abeid kuwa meneja wa timu hiyo.