WYDAD, ESPERANCE KUTUPA KARATA ZAO ZA KWANZA LEO.

PATASHIKA nguo kuchanika itakuwa leo ambapo timu za kutoka upande wa Magharibi mwa Afrika Wydad Athletic ya Morocco na Esperance ya Tunisia zitapopambana katika fainali ya kwanza ya Kombe la Klabu Bingwa ya Afrika mchezo utakaochezwa katika Uwanja wa Mohamed V jijini Casablanca. Timu hizo zote mbili kwa pamoja zitakuwa na kiu ya kunyakua taji hilo kwa mara ya pili ambapo kwa mara kwanza Wydad walinyakuwa taji hilo mwaka 1992 wakati Esperance nao walifanya hivyo miaka miwili baadaye. Kwa mchezo huu wa kwanza wa fainali unafanya timu hizo kuwa zimekutana mara tatu katika michuano hii michezo mingine ikiwa walikutana katika hatua za makundi. Pamoja na kushinda kombe hilo mara moja Esperance ndio wanaopewa nafasi kubwa ya kuibuka kidedea kutokana na uzoefu wao katika michuano hiyo mikubwa kabisa katika ngazi ya klabu kwa upande wa Afrika.