CHICHARITO NJE WIKI NNE.

MSHAMBULIAJI wa kimataifa wa Manchester United Javier Hernandez anaweza kuwa nje ya dimba kwa muda wa wiki nne kutokana na majeraha aliyopata katika mchezo wa Ligi Kuu ya Uingereza ambapo timu hiyo ilishinda bao 1-0 dhidi ya Aston Villa. Kocha wa United Sir Alex Ferguson amesema katika mahojiano kuwa kwa jinsi mchezaji huyo alivyoumia anaweza kuwa nje ya uwanja kwa muda kati ya wiki tatu mpaka nne. Hernandez mwenye umri wa miaka 23 ambaye ameshafunga mabao sita msimu huu alitolewa nje na machela ikiwa ni dakika 12 toka mchezo wao huo uanze baada ya kupinda kisigino cha mguu wake kushoto. Kuumia kwa mchezaji huyo ni pigo kubwa kwa Ferguson ambapo Jumatano ijayo kikosi hicho kinahitaji ushindi wa aina yoyote katika mchezo wao wa Ligi ya Mabingwa Ulaya dhidi ya Basle ili kujihakikishia ushindi wa kusnga mbele katika hatua ya timu 16 bora.