BECKHAM AISADIA GALAXY KUSHINDA PHILIPPINE.

KIUNGO wa timu ya Los Angeles Galaxy David Beckham alikiongoza vyema kikosi hicho kupata ushindi monono wa mabao 6-1 dhidi ya timu ya taifa ya Philippine katika mchezo wa kimataifa wa kirafiki. Beckham ambaye yuko na Galaxy ambao ndio mabingwa wa Ligi Kuu nchini Marekani katika ziara ya kimichezo katika bara la Asia aliipatia timu yake bao la kuongoza katika dakika 20 kabla ya Mike Magee kuongeza la pili kabla ya mapumziko. Kipindi cha pili mchezaji Adam Cristam alishinda mabao mawili na kufanya kuwa manne kabla ya Robby Keane na Greg Belhalter kila mmoja kushinda bao moja moja hivyo kuizamisha kabisa timu ya Philippine. Baada ya kutolewa katikati ya kipindi cha pili Beckham alivua jezi yake na kumkabidhi bingwa wa masumbwi ambaye ni raia wa nchi hiyo Manny Pacquiao ambaye alikuwa mmoja kati ya watazamaji 13,000 walioshuhudia mchezo huo ambapo mchezaji huyo alidai kuwa mshabiki mkubwa wa mwanamasumbwi huyo.