COLOMBIA YATEUA KOCHA MPYA.

Mchezaji wa zamani wa Colombia Jose Pekerman ambaye aliwahi kukinoa kikosi cha Argentina mwaka 2004-2006 ameteuliwa kukinoa kikosi cha timu ya taifa ya nchi hiyo. Shrikisho la Soka la nchi hiyo lilithibisha uteuzi huo wa Pekerman kukinoa kikosi juzi usiku ambapo kocha huyo amesaini mkataba mpaka mwishoni mwa michuano ya Kombe la Dunia mwaka 2014. Colombia haijashiriki michuano ya Kombe la Dunia toka mwaka 1998 hivyo changamoto kubwa aliyokuwa nayo Pekerman ni kuhakikisha timu hiyo inashiriki michuano hiyo mwaka 2014 itakayofanyika nchini Brazil. Timu hiyo ilikuwa ikifanya vizuri chini ya kocha Hernan Dario Gomez lakini kocha alilazimika kujiuzulu Agosti mwaka jana kufuatia kashfa ya kupiga mwanamke iliyokuwa ikimhusisha yeye na nafasi yake kuchukuliwa na Leonel Alvarez ambaye anye alitimuliwa baada ya timu hiyo kufanya vibaya.