FA CUP DRAW: MAN UNITED USO KWA USO NA LIVERPOOL.

TIMU ya Manchester United imepangwa kuchuana na Liverpool katika mchezo wa mzunguko wa nne wa Kombe linaloandaliwa na Chama cha Soka cha Uingereza-FA utakaofanyika katika Uwanja wa Anfield. United ambao walivuka hatua hiyo baada ya kufanikiwa kuwafunga mahasimu wao wanaotoka katika mji mmoja timu ya Manchester City kwa mabao 3-2 mchezo ambao ulifanyika jana katika Uwanja Etihad jijini Manchester. Katika ratiba hiyo iliyopangwa jana Chelsea ambao nao jana walishinda mchezo wao dhidi ya Portsmouth watakutana na aidha QPR au MK Dons, Everton na Fulham, Sunderland na Middlesbruogh huku Aston Villa akisubiria mshindi kati ya Arsenal na Leeds United. Michezo mingine katika ratiba hiyo ni mshindi wa pambano kati ya Brighton na Wrexham atachuana na Newcastle, mshindi wa Dagenham & Redbridge na Millwall atachuana na Southampton, Hull City na Crawley, West Bromwich na Norwich na Derby v Stoke michezo yote hiyo itafanyika kati ya Januari 28 na 29 mwaka huu.