MAN UNITED YAKWAA KISIKI KWA NEWCASTLE.

TIMU ya Manchester United jana imeshindwa kupunguza tofauti ya pointi kati yao na vinara wa Ligi Kuu nchini Uingereza Manchester City baada ya kukubali kipigo cha mabao 3-0 kutoka kwa Newcastle United katika Uwanja wa St James Park. Mabao yaliyofungwa na Demba Ba, Yohan Cabaye na la mwisho ambalo lilifungwa katika dakika za majeruhi na Phil Jones yalitosha kuipa ushindi Newcastle na kuifanya United kushindwa kuifikia City kwa pointi katika msimamo wa ligi hiyo. Kipigo hicho kwa United na kile walichopata kutoka kwa Blackburn katika Uwanja wa Old Traford umewapa nafasi mahasimu wao City ambao walifanikiwa kuifunga Liverpool mabao 3-0 Jumanne kuongoza ligi hiyo kwa tofauti ya pointi tatu na wao. Katika michezo mingine iliyochezwa jana Bolton Wanderers ilitoa katika mstari wa kushuka daraja baada ya kufanikiwa kuifunga Everton mabao 2-1 mabao ambayo yalifungwa na David Ngog na Gary Cahill huku bao la Everton likifungwa na kipa Tim Howard kwa mpira wa adhabu.