"MANCHESTER UNITED BADO NI TIMU BORA" MANCINI.

MENEJA wa Manchester City Roberto Mancini amedai kuwa mahasimu wao Manchester United bado ni timu ngumu kufungika. Timu hizo zinakutana leo katika mchezo wa mzunguko wa tatu wa Kombe la Chama cha Soka nchini Uingereza-FA wakati City wakiwa wanaongoza Ligi Kuu nchini humo kwa tofauti ya pointi tatu. United wataingia uwanjani wakiwa na kizunguzungu cha kubamizwa katika michezo yake miwili ya ligi wiki iliyopita lakini Mancini amesema kuwa pamoja na vipigo hivyo timu hiyo bado ni bora nchini humo. City ilimaliza kiu yake ya muda mrefu takribani miaka 35 ya kukosa vikombe kwa kunyakuwa kombe la FA msimu uliopita lakini meneja huyo kutoka Italia anaamini kuwa itachukua miaka mingi kwa timu kuwa bora nchini humo hata kama watanyakuwa kombe la ligi hiyo msimu huu.