KIKOSI GHANA CHAWASILI AFRIKA KUSINI.

KIKOSI cha timu ya Taifa ya Ghana kimewasili rasmi katika kambi yake ya maandalizi ya michuano ya Kombe la Mataifa ya Afrika nchini Afrika Kusini. Kocha Msaidizi Kwesi Appiah pamoja na kikosi cha wachezaji 19 waliwasili Uwanja wa Ndege wa kimataifa wa OR Tambo jijini Johannesburg mapema Jumamosi na baadae kwenda moja kwa moja katika kituo cha mazoezi cha Royal Bafokeng ambako ndipo walipofikia. Mara baada ya kutua jijini hapo Appiah amesema kuwa wanajisikia fahari kuwepo hapo kuanza kazi ya maandalizi na ni matuamaini yao kwamba watajiandaa vyema kwa ajili ya michuano hiyo iliyopo mbele yao. Kocha Mkuu wa kikosi hicho Goran Stevanovic naye alijiunga na kikosi hicho akitokea Ulaya huku wachezaji wengine waliobakia katika kikosi hicho wakitarajiwa kujiunga na wenzao siku chache zijazo ili kuunda timu ya wachezaji 25.