NO EURO HANGOVER FOR GUNNERS-WENGER.

MENEJA wa Arsenal Arsene wenger amesema kuwa hawatarajii kuzubaa kutokana na timu hiyo kutolewa katika michuano ya Kombe la Bingwa Ulaya na AC Milan wakati timu hiyo itakapojitupa uwanjani kupambana na Newcastle United katika mchezo wa Ligi Kuu nchini Uingereza utakaofanyika katika Uwanja wa Emirates. Arsenal ilikosa bao moja tu katika mchezo dhidi ya AC Milan ili waweze kusawazisha mabao 4-0 ambayo walifungwa na AC Mila katika mchezo wa kwanza lakini ushindi huo wa mabao 3-0 waliopata katika mchezo wa pili umeonyesha kwamba kikosi hicho kimeanza kurejesha makali yake. Katika mchezo wa kesho dhidi ya Newcastle, Arsenal itaingia uwanja kwa kujiamini zaidi huku wakiwa na kumbukumbu nzuri za kuzigaragaza timu za Tottenham Hotspurs na Liverpool katika michezo miwili ya Ligi iliyopita. Arsenal ikishinda mchezo huo itachupa mpaka nafasi ya tatu ambayo inashikiliwa na Tottenham ambao bado wanaonekana jinamizi la kufungwa na timu hiyo liwaandama baada kukubali vipigo vingine viwili kutoka kwa Manchester United na Everton.