ATLETICO MADRID VIDUME EUROPA LEAGUE.

KLABU ya Atletico Madrid imefanikiwa kutwaa taji la Ligi ya Ulaya maarufu kama Europa League baada ya kuwafunga Athletic Bilbao kwa mabao 3-0 kwenye mchezo uliochezwa jijini Bucharest, Romania. Mabao ya Atletico yalifungwa na Radamel Falcao ambaye alifunga mawili katika dakika ya saba na 34 kabla ya Diego kupigilia msumari wa mwisho katika dakika ya 85 na kuiwezesha timu hiyo kunyakuwa taji hilo kwa mara ya pili katika kipindi cha misimu mitatu. Kocha wa Atletico Diego Simeone alifanikiwa kumzidi maarifa kocha wa Bilbao Marcelo Bielsa ambaye aliwahi kuifundisha timu ya taifa ya Argentina wakati Simeone akiwa mchezaji wa kikosi hicho. Michuano ya vilabu vya Ulaya itahitimishwa Mei 19 wakati Bayern Munich watakapoikaribisha Chelsea katika mchezo wa fainali ya Kombe la Klabu Bingwa Ulaya utakaofanyika katika Uwanja wa Allianz Arena.