ARSENAL KUMUUZA VAN PERSIE UNITED.

KLABU ya Arsenal jana usiku iliamua kufanya mazungumzo na klabu ya Manchester United kwa ajili ya kumuuza mshambuliaji wake Robin van Persie. Arsenal wameonekana kutaka kuanza mazungumzo hayo na meneja wa United, Sir Alex Ferguson wakiamini kuwa wataweza kumuuza mchezaji huyo kwa paundi milioni 22 kabla ya kuanza kwa msimu mpya wa Ligi Kuu nchini Uingereza. Van Persie ambaye ana umri wa miaka 29 yuko katika msukumo wa kuondoka haraka baada ya mashabiki wa timu hiyo kumzomea wakati wa mchezo wa kirafiki dhidi ya timu ya Cologne nchini Ujerumani ambapo klabu hiyo ilishinda mabao 4-0. Arsenal walikuwa wanataka kiasi cha paundi milioni 25 kwa timu itakayomhitaji mchezaji huyo ambaye amebakiza mkataba wa mwaka mmoja lakini hivi sasa klabu hiyo inaweza kuchukua kiasi chini ya hicho kuliko kubakiwa nae wakati mwenyewe hataki. Van Persie alifunga mabao 37 katika mashindano yote mwaka jana huku 30 kati ya hayo akiwa mefunga katika michezo ya Ligi Kuu.