MOURINHO KUMUUZA KAMA ILI AMPATE MODRIC.

KLABU ya Real Madrid ya Hispania inajaribu kumuuza kiungo wake nyota Kaka kwenda AC Milan ya Italia kabla ya kumalizia hatua za mwisho za kumyanyakuwa kiungo wa Tottenham Hotspurs ya Uingereza, Luka Modric.
Meneja wa Tottenham Andre Villas-Boas amesema wiki iliyopita kuwa anataka sakata la uhamisho wa mchezo huyo limalizike haraka ili aweze kuendelea na mipango mingine. Spurs inataka kitita cha zaidi ya paundi milioni 35 kwa timu yoyote ambayo inamhitaji kiungo wake huyo na Madrid bado wanaonekana kujikung’uta mifukoni ili wapate kiasi hicho. Meneja wa Madrid Jose Mourinho ameonyesha nia ya kumuuza Kaka mwenye miaka 30 kwenda Milan ambako ndipo walipomnunua kwa paundi milioni 56 misimu miwili iliyopita ili waweze kupata pesa za kumlipa Modric. Modric ambaye ana umri wa miaka 26 raia wa Croatia anaonekana anaweza kucheza pamoja na Kaka katika klabu hiyo lakini mshahara wa nyota huyo wa kimataifa wa Brazil wa paundi milioni nane kwa mwaka ndio unaoonekana kuwa kikwazo kikubwa kuhusiana na uhamisha huo.