MUAMBA ATANGAZA KUSTAAFU SOKA.

Fabrice Muamba.

KIUNGO wa klabu ya Bolton Wanderers inayoshiriki Ligi Kuu nchini Uingereza, Fabrice Muamba ametangaza rasmi kustaafu kucheza soka. Muamba mwenye miaka 24 alianguka na moyo wake kusimama kwa muda Machi 17 mwaka huu wa mchezo wa Kombe la FA baina ya timu hiyo na Tottenham Hotspurs. Akitangaza nia yake hiyo Muamba amesema kuwa wakati habari hizo zikiwastua wapenzi wengi wa mchezo wa soka yeye ana mambo mengi ya kushukuru kufuatia tukio lililompata akianza kwa kumshukuru mungu pamoja na madaktari ambao hawakukata tama wakati wakimhudumia. Muamba ameamua kustaafu soka baada ya ushauri aliopata kutoka kwa madaktari waliokuwa wakimtibu nchini Uingereza na Ubelgiji ambako alienda hivi karibuni kwa uapsuaji mdogo wa moyo ikiwa kama sehemu ya matibabu yake. Habari za kustaafu soka kwa mchezaji huyo ambaye alianza kucheza soka katika klabu ya Arsenal na kuhamia Birmingham City kabla ya kwenda Bolton, zimekuja ikiwa ni miezi sita imepita toka mchezaji huyo alipoanguka na moyo wake kushindwa kufanya kazi kwa muda wa dakika 78.