SAMATTA AIPELEKA MAZEMBE NUSU FAINALI CHAMPIONS LEAGUE.

TIMU ya Al Ahly ya Misri imefanikiwa kusonga mbele katika hatua ya nusu fainali ya michuano ya Klabu ya Afrika baada ya kupata sare ya ugenini dhidi ya timu ya Berekun Chelsea ya Ghana katika mchezo uliofanyika jijini Accra. Al Ahly wamesonga mbele wakiwa wanaongoka katika kundi B kwa alama 10 wakati Berekun Chelsea wako katika nafasi ya pili wakiwa na alama tano. Katika mchezo mwingine timu ya TP Mazembe ya Jamhuri ya Kidemokrasia ya Congo-DRC iliiondosha mashindanoni timu ya Zamalek baada ya kuifunga mabao 2-1 katika mchezo uliochezwa jijini Cairo. Mabao ya Mazembe ambao wamewahi kushinda taji hilo mwaka 2009 na 2010 yaliwekwa kimiani na Hichani Himoonde ambaye ni raia wa Zambia na mtanzania Mbwana Samatta huku pasi za mwisho za mabao hayo zikitoka kwa Tresor Mputu.