SERENA USO KWA USO NA TOP SEEDS VICTORIA AZARENKA NUSU FAINALI YA OLIMPIKI.

Serena Williams.

MCHEZA tenisi nyota wa Marekani Serena Williams anatarajiwa kukutana na Victoria Azarenka wa Belarus katika nusu fainali ya michuano ya Olimpiki baada ya mmarekani huyo kumfunga Caroline Wozniacki katika mchezo wa robo fainali. Williams ambaye ana medali mbili za dhahabu katika michuano hiyo alimfunga kirahisi Wozniacki kwa 6-0 6-3 wakati Azarenka ambaye anashika namba moja katika orodha za ubora kwa upande wa wanawake alimfunga Angelique Kerber kwa 6-4 7-5. Maria Sharapova kutoka Urusialifanikiwa kumfunga Kim Clijsters na anatarajiwa kucheza na Maria Kirilenko ambaye alimshangaza Petra Kvitova kwa kumfunga katika mchezo war obo fainali. Kwa upande wa nusu fainali ya wanaume Roger Federer atachuana na Juan Martin del Potro na Novak Djokovic atapambana na mwenyeji wa michuano hiyo Andy Murray.