VAN PERSIE ATATISHA NA UNITED - REDKNAPP.

MENEJA wa zamani wa klabu ya Tottenham Hotspurs, Harry Redknapp amesema kuwa mshambuliaji mpya wa klabu ya Manchester United Robin van Persie ataisaidia timu hiyo kushinda taji la Ligi Kuu nchini Uingereza. Mbali na kauli hiyo ya Redknapp pia beki wa United Michael Carrick naye anaamini usajili wa mshambuliaji huyo nyota ambaye alifunga mabao 30 msimu uliopita akiwa na Arsenal ataisaidia timu hiyo kushinda mataji matatu makubwa kama walivyofanya mwaka 1999. Arsenal walikubali kumuuza nahodha wao huyo mwenye umri wa miaka 29 kwa United kwa ada ya paundi milioni 24 jana huku mchezaji huyo akitarajiwa kuzungumza na United baadae leo ili kumalizia mambo yake binafsi pamoja na vipimo vya afya. Van Persie alishinda mabao 44 katika michezo 57 ya klabu na timu ya taifa aliyocheza msimu uliopita yaliwemo mabao mawili ambayo aliifunga United.