ESPERANCE YAISUBIRI AIDHA AL AHLY AU SUNSHINE STARS FAINALI LIGI YA MABINGWA ULAYA.

TIMU ya Esperance ya Tunisia imefanikiwa kutinga katika hatua ya fainali ya Ligi ya Mabingwa barani Afrika baada ya kufanikiwa kuifunga TP Mazembe ya Jamhuri ya Kidemokrasia ya Congo kwa bao 1-0 katika mchezo uliofanyika jijini Tunis. Ushindi huo wa Esperance ambao katika nusu fainali ya kwanza waliilazimisha sare ya bila ya kufungana Mazembe jijini Lubumbashi imezima ndoto za wachezaji chipukizi wa Tanzania Mbwana Samatta ambaye alicheza dakika zote tisini katika mchezo huo huku mwenzake Thomas Ulimwengu alicheza kipindi cha pili. Bao pekee la Esperance lilifungwa na Ben Mansour dakika ya 70 ambapo sasa wanasubiri mshindi wa kucheza naye fainali kati ya Al Ahly ya Misri na Sunshine Stars ya Nigeria katika nusu fainali nyingine itakayochezwa baadae leo jijini Cairo.  Katika mchezo wa kwanza wa nusu fainali uliochezwa wiki mbili zilizopita Al Ahly walifanikiwa kupata sare ya mabao 3-3 nyumbani kwa Sunshine na kujiweka katika nafasi nzuri ya kusonga mbele katika mchewzo wa leo.