MUAMBA ASONONESHWA NA KUTIMULIWA KWA COYLE.

KIUNGO wa zamani wa klabu ya Bolton Wanderers, Fabrice Muamba ameonyeshwa kusikitishwa kuona meneja Owen Coyle akiondoka katika klabu hiyo ila anaamini atakayechukua nafasi yake ataweza kuirejesha timu hiyo katika Ligi Kuu nchini Uingereza. Coyle alitimuliwa Jumatano baada ya kuinoa klabu hiyo yenye maskani yake katika Uwanja wa Reebok kwa kipindi cha miaka mitatu kabla ya kuporomoka kutoka ligi kuu mpaka ligi daraja la kwanza msimu uliopita. Bolton imekuwa ikiendelea kusuasua toka washuke daraja baada ya kuambulia alama 11 pekee katika michezo 10 waliyocheza hivyo kuwaweka katika ya 18 katika msimamo wa ligi hiyo. Muamba amesema kuwa anamshukuru Coyle kwa msaada na kuwa karibu naye katika kipindi chote ambacho alikumbwa na matatizo na inamsononesha kuona anaondoka lakini ndio hali ilivyo katika soka. Muamba alilazimika kustaafu kucheza soka Agosti mwaka huu kufuatia kuanguka ghafla uwanjani wakati akiichezea Bolton Machi mwaka huu.