ARSENAL VS BRADFORD, CHELSEA VS LEEDS ROBO FAINALI KOMBE LA LIGI.

KLABU ya Arsenal itakuwa mgeni wa Bradford katika mchezo wa robo fainali ya michuano ya Kombe la Ligi wakati Leeds United wenyewe watawakaribisha mahasimu wao wa zamani Chelsea nyumbani kwao. Michezo mingine ya robo fainali itashuhudia Swansea ikiikaribisha Middlesbrough wakati Aston Villa itasafiri kuifuata Norwich. Chelsea walitinga katika hatua hiyo baada ya kufanikiwa kuifunga Manchester United kwa mabao 5-4 mchezo ambao ilibidi uchezwe mpaka dakika za nyongeza. Ratiba ya michuano ya Robo fainali inatarajiwa kuanza kutimua vumbi kuanzia Desemba 10 mwaka huu kasoro mchezo kati ya Chelsea na Leeds ambao utachezwa Desemba 19 kutokana na ushiriki wa Chelsea katika michuano ya Kombe la Klabu Bingwa ya Dunia.