FERRER, JANOWICZ KUKWAANA FAINALI PARIS MASTERS.

Mchezaji nyota wa tenisi David Ferrer amefanikiwa kutinga hatua ya fainali ya michuano ya Paris Masters baada ya kumfunga Michael Llodra kwa seti 2-0 zenye alama za 7-5 6-3. Ferrer ambaye anatoka Hispania sasa atakwaana na Jerzy Janowicz ambaye naye alitinga hatua hiyo baada ya kumfunga Gilles Simon kwa kwa seti 2-0 zenye alama za 6-4 7-5. Janowicz ambaye pia alimuondosha Andy Murray katika michuano hiyo Alhamisi iliyopita inakuwa ni mara ya kwanza kutinga fainali ya michuano hiyo Paris Masters baada ya miaka nane kupita. Fainali ya michuano hiyo ambayo itafanyika baadae leo itakuwa ni ya kwanza kuwakosa nyota ambao wanashika nafasi za juu katika orodha za ubora duniani kama Roger Federer, Rafael Nadal, Novak Djokovic na Murray.