SARE IMECHANGIWA NA MECHI NGUMU ZA UNITED - DI MATTEO.

MENEJA wa klabu ya Chelsea, Roberto Di Matteo amesema kuwa sababu kubwa ya kikosi chake kutoa sare katika mchezo dhidi ya Swansea ilichangiwa kwa kiasi kikubwa na michezo migumu miwili dhidi ya Manchester United. Katika mchezo dhidi ya Swansea ambao ulichezwa jana Chelsea walijikuta wakiruhusu wavu wao kutikiswa katika dakika ya 88 na kupelekea mchezo huo kumalizika kwa sare. Lakini Di Matteo alitoa malalamiko yake kwa Chama cha Soka nchini Uingereza kufuatia tuhuma za lugha mbovu iliyotumiwa na mwamuzi Mark Clattenburg dhidi ya kiungo wake John Mikael Obi katika mchezo dhidi ya United. Katika mchezo huo uliochezwa Jumapili Iliyopita ambao United ilishinda kwa mabao 3-2 dhidi ya Chelsea katika Uwanja wa Stamford Bridge Clattenburg anatuhumiwa kumtolea maneno ya kibaguzi Mikael Obi.