WENGER ACHUKIZWA NA MWAMUZI.

MENEJA wa klabu ya Arsenal, Arsene Wenger amesema hakufurahishwa na maamuzi yaliyotolewa na mwamuzi wa mchezo baina ya timu yake na Manchester United ambao walifungwa mabao 2-1. Katika mchezo huo United walipata penati katika kipindi cha kwanza baada ya Santi Cazorla kuinawa mpira uliokuwa umepigwa na Ashley Young katika eneo la hatari na baada ya Jack Wilshere kutolewa nje kwa baada ya kupewa kadi mbili za njano kwa mchezo mbovu. Wenger amesema kuwa mara nyingi wakati wakikutana na United lazima wapewe penati mpaka wamezoea hali hiyo huku pia akisema Wilshere hakustahili kutolea katika mchezo huo. Kocha huyo amesema kuwa alishindwa kumpumzisha Wilshere baada ya kupata kadi ya kwanza ya njano na baadae onyo kutoka kwa mwamuzi kwasababu walikuwa lazima washambulie baada ya kuwa nyuma kwa bao moja na katika benchi lake la wachezaji wa akiba alikuwa hana mbadala wake. Wenger amesema kwasasa inabidi wasahau kipigo hicho na kuelekeza nguvu zao kwa mchezo wa Jumanne ambao watakuwa wageni wa Schalke O4 katika Ligi ya Mabingwa Ulaya.