VETTEL DISQUALIFIED AT ABU DHABI GRAND PRIX.

DEREVA nyota wa Langalanga, Sebastian Vettel ameshindwa kufuzu kuanza mwanzoni katika michuano ya Abu Dhabi Grand Prix ambapo sasa itabidi aanze mashindano hayo katika mstari wa nyuma. Vettel ambaye anaongoza orodha ya madereva bora msimu huu alimaliza mazoezi ya mashindano hayo akiwa watatu lakini alinyang’anywa nafasi hiyo baada ya gari lake kushindwa kubakisha mafuta kwa ajili ya vipimo. Vettel alisimamisha gari lake pembeni wakati akirejea baada ya kumaliza mbio hizo baada ya kuishiwa mafuta katika tukio lililowahi kumtokea pia dereva wa McLaren Lewis Hamilton nchini Hispania Mei mwaka huu. Hatua hiyo itampa nafasi mpinzani wake katika mbio za ubingwa msimu huu Fernando Alonso wa timu ya Ferrari kumkaribia Vettel ambaye anaongoza kwa tofauti ya alama 13 katika msimamo wa madereva bora msimu huu.