GYAN AMUENZI MAMA YAKE KWA KUFUATA USHAURI WAKE.

MSHAMBULIAJI wa Ghana, Asamoah Gyan amesema kuwa hatapiga penati tena kwa ajili ya timu ya taifa ya nchi hiyo kwa heshima ya ushauri wa mama yake ambaye alifariki dunia Jumanne iliyopita. Mshamuliaji huyo anayecheza katika klabu ya Al Ain ya Falme za Kiarabu amekuwa akiandamwa nchini kwao kwa kukosa penati mbili muhimu katika michuano ya Kombe la Dunia 2010 na Mataifa ya Afrika mwaka 2012. Gyan mwenye umri wa miaka 26 aliinyima nafasi Ghana ya kufuzu nusu fainali ya kihistoria katika michuano ya Kombe la Dunia iliyopita baada ya kukosa penati dhidi ya Uruguay dakika chache kabla ya muda wa nyongeza kumalizika na kuishia timu hiyo kutolewa kwa changamoto ya mikwaju ya penati 4-2. Katika michuano ya Mataifa ya Afrika 2012, Gyan alikosa penati katika dakika ya nane ya mchezo wa nusu fainali ya michuano hiyo dhidi Zambia ambapo mwishoni Ghana ilitolewa kwa kufungwa baoa 1-0. Akihojiwa kuhusiana na sula hilo Gyan amesema kuwa mama yake alimshauri kutopiga penati tena hivyo kwa heshima yake kwakuwa ameshafariki sitafanya hivyo tena katika timu ya Ghana. Ghana maarufu kama Black Stars wamepangwa katika kundi B na timu za mali, Jamhuri ya Kidemokrasia ya Congo na Niger katika michuano ya Mataifa ya Afrika 2013 nchini Afrika Kusini.