IT WAS A DREAM TO PLAY ALONGSIDE MESSI - NEYMAR.

MSHAMBULIAJI nyota wa kimataifa wa Brazil na klabu ya Santos, Neymar amekiri kuwa ana ndoto za kucheza sambamba na mashambuliaji nyota wa Barcelona Lionel Messi. Kauli hiyo ya Neymar mwenye umri wa miaka 20 imeongeza tetesi kuwa kikosi cha Barcelona kinachonolewa na Tito Vilanova ndio chaguo la nyota huyo wakati akiamua kuondoka Brazil. Akihojiwa na gazeti moja nchini Brazil Neymar amesema kuwa kucheza sambamba na Messi itakuwa kama ndoto kwake na kama hilo likishindikana basi hata kufanya mazoezi pamoja nae kutamfanya awe mwenye furaha. Nyota huyo aliendelea kusema katika mahojiano hayo kuwa anaamini wakati Cristiano Ronaldo na Andres Iniesta ni moja ya wachezaji wakubwa barani Ulaya hakuna yoyote anayestahili zaidi tuzo ya Ballon d’Or kama Messi. Neymar amesema kuwa wachezaji wote watatu ndio wachezaji bora kwa hivi sasa lakini kati ya hao hakuna nayeweza kufanya vitu anavyofanya Messi.