SUAREZ HATOFAUTIANI NA MESSI - RODGERS.

MENEJA wa klabu ya Liverpool, Brendan Rodgers amesema kuwa mshambuliaji wake nyota Luis Suarez yuko kiwango sawa na mshambuliaji nyota wa Barcelona Lionel Messi baada ya nyota huyo kuonyesha kiwango cha juu katika mchezo dhidi ya Newcastle United jana. Suarez mwenye umri wa miaka 25 alifanikiwa kufunga bao la kusawazisha katika dakika za lala salama na kuiepusha timu yake kuepuka kipigo katika Uwanja wa Anfield. Rodgers amesema kuwa bao lilifungwa na Suarez lilikuwa bao safi la kiwango cha mshambuliaji wa dunia hivyo haoni kama anatofautiana na Messi kama anavyofanya Barcelona. Beki wa kati wa Newcastle Fabricio Coloccini alipewa kadi nyekundu dakika ya 84 kutokana na rafu aliyomchezea Suarez ambaye amefunga mabao saba katika michezo tisa iliyopita ya Ligi Kuu nchini Uingereza.