WANYAMA, WATT WAZAMISHA JAHAZI LA BARCELONA.

MABAO ya Victor Wanyama na mshambuliaji kinda Tony Watt yalitosha kuipa ushindi wa kukumbukwa Celtic wa mabao 2-1 dhidi ya Barcelona katika mchezo wa kundi G wa Ligi ya Mabingwa Ulaya uliofanyika katika Uwanja wa Celtic Park jana usiku. Kiungo wa kimataifa wa Kenya Wanyama ndio aliyeipa bao la kuongoza timu yake katika dakika ya 21 ya mchezo huo kabla ya Watt kufunga bao la pili katika dakika za lala salama na kupelekea jahazi la kocha wa Barcelona Tito Vilanova kuzama huku bao pekee la imu hiyo likifungwa Lionel Messi katika dakika ya 90. Katika michezo mingine iliyochezwa jana Manchester United ilifanikiwa kukaa tiketi ya mzunguko wa pili wa michuano hiyo baada ya kuifunga Braga ugenini kwa mabao 3-1 huku Bayern Munich wakikaribia hatua hiyo kwa kuisambaratisha Lille kwa mabao 6-1. Shakhtar Donetsk kama ingefanikiwa kuibuka na ushindi katika kundi E ingesonga mbele lakini walikataliwa na Chelsea ambao waliwafunga mabao 3-2 huku Juventus nao wakizinduka baada ya kuandamwa na sare katika michuano hiyo na kuibugiza Nordsjaelland ya Denmark kwa mabao 4-0.